Kaiārahi Tikanga Māori

Team Māori at Council - 2009 Māori Language Award winners, local government category

Ko te kawenga a te Kaiārahi Tikanga Māori a te kaunihera, ko te whakahaere i te whanaketanga o te hononga a te Kaunihera o Pōneke me Ngāi Māori ki Pōneke, me te whakakaha ake i te āheinga o te katoa ki te whai hua ā-hapori.

Ko te Kawenga a te Kaiārahi Tikanga Māori - ko:

• te whakarite hononga pai me Ngāi Māori e noho ana ki Pōneke, tae noa ki ngā iwi, ki ngā tāngata whaimana i ngā hapori me ētahi atu rōpū whaipānga
• te whakahaere hononga ki waenganui i te Kaunihera whānui me Ngāi Māori ki Pōneke i raro i tēahi anga ā-ahurea haumanu e whai ana i ngā tikanga
• te whakawhanake me te noho mohoa ki ngā tūmanako me ngā hiahia a Ngāi Māori ki Pōneke hei āwhina i te mahi tautoko, ārahi rānei i ngā mahi Hononga Tiriti mō ētahi tūmahi kua whakatauhia, ngā kaupapa / hui rānei kua whakaritea, me ngā take hapori
• te whakahaere me te tautoko i ngā hononga ki waenganui i a Ngāi Māori ki Pōneke, te Koromatua, te Koromatua tuarua me ngā Kaikaunihera me rātou ngā āpiha o te Kaunihera, te poipoi i te whanaketanga o te whakahoahoatanga, me te whai toronga ki ngā tohutohu me ngā tautoko mō te reo me ngā tikanga
• te whakahaere me te whakatairanga i te iwi / mana whenua hei kaiwhakarato matua mō ngā tohutohu me ngā tautoko ki ngā tāngata o tēnei tāone.
• te whai māramatanga ki ngā whakaaro o Ngāi Māori ki Pōneke e pā ana ki ngā momo huanga me ngā ratonga whakarato ai te Kaunihera, me te whai āheinga ki te tuku i ēnei whakaaro ki ngā pouwhakahaere me te mahi ki te whakatau i ngā take ka ara ake
• te tautuhi huarahi ki te whakapai ake i ngā ratonga ka puta mō Ngāi Māori ki Pōneke i raro anō i ngā putea kua whakaritea, me te tautoko i te pouwhakahaere ki te whakatinana i ēnei
• te tautuhi me te pupuri pātengi raraunga o Ngāi Māori ki Pōneke, tae noa ki ngā kaumātua, ngā rōpū ā-iwi / ā-hapu; ngā rōpū tāone / iwi whānui me ngā kaiwhakarato ratonga pāpori tērā pea ka uru ki ngā 'kōrero club' me ētahi atu huarahi whakapānga Hononga Tiriti.
• te tautoko i te Kaiwhakahaere, Hononga Tiriti me te Kaiwhakahaere, Whakapānga Kirirarau, me ngā pārongo ā-rohe, ngā āwhina mō te reo me ngā tikanga i ngā wā hiahiatia ana.

Mō Ētahi atu Pārongo

Billie Tait-Jones, Tuhoe / Te Arawa
Kaiārahi Tikanga Māori

Ko ngā Take Whakahirahira ki te Tangata Whenua

Ko te Mahere-a-Rohe te rautaki nui e pā ana ki te mahi penapena rawa o Pōneke. Ka hora nei ngā mea nui rawa ki te tāngata whenua i te wāhanga tuarua.

Mahere-a-Rohe - Wāhanga Tuarua o te Pukapuka Tuatahi: Ko ngā Mea Nui Rawa ki te Tangata Whenua (95Kb PDF)

Te Tatauranga Tāpori

Hei whakaatuatu te Tāpori Māori 2006 i te āhua o te tāpori Māori o te rohe o Te Whanganui-a-Tara.

Population Profile (358Kb PDF)

Nga hononga e hāngai ana

• Ethnic Communities
• Featured Events
• Pacific Island Communities
• Resource Consents - Consulting with Iwi

Te Tari:
Treaty Relations